"Арсенал" футболчисида коронавирус аниқлангани боис ўйин бекор қилинди

Беларусда футбол бўйича Биринчи дивизионнинг дастлабки туридан ўрин олган "Гомель" - "Арсенал" учрашуви номаълум муддатга қолдирилди.

Мамлакат футбол федерацияси берган маълумотга кўра, ушбу ўйин “Арсенал” футболчиларидан бирида коронавирус аниқлангани боис бекор қилинган. Аслида, ушбу жамоалар ўртасидаги баҳс 10 май куни Гомель шаҳрида бўлиб ўтиши керак эди.

Ҳозирда Беларусь чемпионати Европада ўтказилаётган ягона футбол мусобақаси ҳисобланади.