“Арсенал” катта трансферга қўл урмоқда

Икки мавсумдан бери чемпионатнинг якуний қисмида “Манчестер Сити”дан ортда қолиб кетаётган “Арсенал” бош мураббийи Микель Артета таркибига юқори малакали ҳужумчи қўшишга қарор қилди.

Todofichajes нашрининг таъкидлашича, “канонирлар” устози жамоага “Интер” тўпурари Лаутаро Мартинесни олиб келмоқчи.

26 ёшли аргентиналик жаҳон чемпиони бу мавсум 24та гол билан тўпурарлар баҳсида ғолиб чиқди ва жамоасининг скудеттони қўлга киритишига катта ёрдам берди.

Микель Артетага Лаутаро Мартинеснинг ҳужумларни самарали якунлай олиш қобилияти жуда маъқул келган.

Клуб раҳбарияти бош мураббийни қўллаб-қувватлаш мақсадида бу трансферга 90 миллион евро ажратишни мўлжаллаяпти.