“Арсенал” кучаяди: Трансферларга 100 миллион фунт ажратилди

“Арсенал” раҳбарияти ёзги трансферлар охиригача яна 100 миллион фунт миқдоридаги маблағ эвазига янги футболчиларни олади.

Бош мураббий Микель Артета биринчи навбатда ишончли дарвозабон, креатив ярим ҳимоячи ва тўпурар ҳужумчига эҳтиёж сезмоқда. Янги ҳужумчи масаласи кўпроқ Александр Ляказеттнинг бошқа жамоага ўтказишга боғлиқ. Лондонликлар уни “Рома”га таклиф қилди.

Артета франциялик ҳужумчи ўрнига “Челси” вакили Тэмми Абрахам ёки “Интер” юлдузи Лаутаро Мартинесни олмоқчи.

Ҳозирча, “тўпчилар” ёзги трансферлар вақтида уч футболчини ўз сафига қўшиб олди. Ҳимоячилар Бен Уайт ва Нуну Таварес, ярим ҳимоячи Самби Локонг янги мавсумда лондонликлар либосида майдонга тушади.