"Арсенал" мундиалда ўйнаган футболчини қимматга сотиб олади

Англиянинг амалдаги чемпиони «Арсенал» клуби янги мавсум олдидан  Бразилия терма жамоаси ярим ҳимоячиси Бруно Гимарайнсни жамоага қўшиш ниятида.

Журналист Бен Жейкобснинг ижтимоий тармоқларда хабар беришича, лондонликлар «Ньюкасл»га 65 миллион фунтлик таклиф йўллаган, аммо рад жавобини олган. Шунга қарамай, «Арсенал» 28 ёшли марказий ярим ҳимоячидан воз кечишни режалаштирмаяпти.

Лондон клуби  ҳозирда 70 миллион фунтдан ортиқ (амалдаги курс бўйича 80 миллион евродан зиёд) миқдорда янги таклиф тайёрламоқда.

Гимарайнс 2022 йил январидан бери «Ньюкасл» шарафини ҳимоя қилиб келмоқда. 

Жаҳон чемпионатида Бруно Бразилия терма жамоаси таркибида барча беш учрашувда майдонга тушди, тўртта голли узатма амалга оширди, аммо 1/8 финал босқичида Норвегияга қарши ўйинда пенальтини аниқ ижро эта олмади. Ушбу баҳсда «селесао» 1:2 ҳисобида мағлубиятга учради.