"Арсенал" пушкаш номзодига кўз олайтирмоқда

Лондоннинг "Арсенал" клуби "Вест Хэм" футболчиси Муҳаммад Қудусга катта қизиқиш билдирмоқда.

Артета бошчилигидаги "тўпчилар" бир неча ойдан буён ганалик вингерни кузатмоқда. Испаниялик мутахассисга қанот ҳужумчисининг бу мавсумдаги хатти-ҳаракатлари манзур келган. Шу билан бирга клуб раҳбарлари Сакага ўринбосар сифатида ҳам ушбу вариантни кўриб чиқмоқда. 

Қудуснинг клуб билан шартномаси 2028 йилгача мўлжалланган бўлиб, унинг Transfermarkt порталидаги нархи 50 миллион евро деб баҳоланмоқда. Бундан ташқари, Муҳаммад 2024 йил "Тhe Best"нинг пушкаш мукофоти учун номзодлар орасига кирди.

Эслатиб ўтамиз, 24 ёшли вингер бу мавсум 13 та ўйинда майдонга тушиб, 2 та гол ва 2 та голли узатмага муаллифлик қилган.