"Арсенал" "Реал" ҳимоячисини трансферлар рўйхатига киритди

"Арсенал" "Реал"нинг 19 ёшли марказий ҳимоячиси Виктор Вальдепеньясни кузатишда давом этмоқда. Бу ҳақда журналист Фабрицио Романо Х ижтимоий тармоғидаги саҳифасида маълум қилди.

Манбага кўра, испаниялик футболчи Лондон клубининг трансфер рўйхатига киритилган. "Арсенал" Вальдепеньясни яқин ойларда сотиб олиши мумкин.

"Қироллик клуби"нинг катталар жамоасида ҳимоячи битта ўйин ўтказди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 3 млн еврони ташкил этади.