"Арсенал" сафарда ғалаба қозониш эвазига 2 поғона юқорилади

Англия Премьер-лигаси 34-туридан ўрин олган "Ньюкасл" - "Арсенал" учрашуви ўз ниҳоясига етди. Унда меҳмонлар 2:0 ҳисобида ғалаба қозонди.

"Канонирлар" сафида голларга Моҳаммед Эл-Нени ҳамда Пьер-Эмерик Обамеянг муаллифлик қилди.

Шундай қилиб, муҳим ғалабани тантана қилган лондонликлар очколари сонини 49 тага етказиб олган ҳолда, 9-ўринга кўтарилиб олди. "Ньюкасл" 36 очко билан 17-поғонани банд этиб турибди.

• 90+4'
  

  Учрашув якунланди! 

• 90+2'
  

  Рақибига нисбатан жиддий қўполлик ишлатган Фабиен Шер майдондан четлатилди.

• 90'
  

  Ўйиннинг асосий вақтига 4 дақиқа қўшиб берилди.

• 88'

  Тўп Артета шогирдлари назорати остида бўлиб турибди.

• 85'
  

  Мартин Эдегор захирага олинди. Унинг ўрнига Томас Парти ўйинни давом эттиради.

• 84'

  Сент-Максиминнинг зарбаси анча ноаниқ кетди.

• 82'

  "Ньюкасл" футболчилари камсонли ҳужумларни ҳам зарбагача етказа олмаяпти.

• 79'

  Эдегорнинг ақлли узатмаси жамоадошига қадар ўтмади. Ҳимоячи янада ақллироқ бўлиб чиқди.

• 77'
  

  Обамеянг ўз ўрнини Пепега бўшатиб берди.

• 74'

  Ўйин темпи пасайди. Футболчилар шунчаки вақт ўтказиш учунгина югуриб юрибди.

• 71'

  "Канонирлар" марказда қисқа узатмалар билан тўпни ўзида ушлаб турибди.

• 68'

  Чемберснинг зарбасига аниқлик етишмади.

• 66'
  

  ГООООООООООООООЛ! Учрашувда ҳисоб ўзгарди!

  Жарима майдони ичида акробатик услубда зарба йўллаган Обамеянг дарвозани ишғол этди.

• 64'

  Габриелнинг бош билан йўллаган зарбасига аниқлик етишмади.

• 62'
  

  Рақибининг оёғини босиб олган Федерико Фернандесга сариқ карточка кўрсатилди.

• 59'

  Обамеянг иккинчи қаватдаги тўп учун курашда рақиби билан тўқнашиб кетди.

• 57'
  

  Меҳмонлар бурчак зарбасидан наф чиқара олмади.

• 55'

  Тўп назорати лондонликларга қайтди.

• 53'
  

  Жароҳат олган Луиз ўрнига Чемберс майдонга тушди.

• 51'
  

  Давид Луизга тиббий ёрдам кўрсатилмоқда.

• 48'

  Иккинчи 45 дақиқалик аввалида тўп назорати майдон эгаларида бўлиб турибди

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45'
  

  Биринчи таймга 2 дақиқа қўшиб берилди.

• 42'
  

  Жарима майдони яқинида Эдегор қоида бузиш эвазига тўхтатилди. "Арсенал"да яхши имконият.

• 40'

  Бўлим сўнгида ҳар икки жамоа ҳам фаоллик кўрсатмоқда.

• 37'

  Артета шогирдлари қанотларни тез-тез алмаштириб олдинга ўтмоқда.

• 35'

  Себальоснинг Обамеянг томон берган паси ҳимоячилардан ўтмади.

• 33'

  Мартинеллининг узатмасидан кейин жамоадоши кўнгилдагидек зарба йўллай олмади.

• 31'
  

  Себальосни ортдан чалиб йиқитган Альмирон огоҳлантирилди.

• 29'

  Бу сафар Эл-Ненининг зарбаси дарвозага кириб кетишига Альмирон йўл қўймади.

• 28'
  

  Жаканинг зарбасидан кейин тўпни дарвозабон қайтарди.

• 26'

  Альмиронга алданган Эл-Нени уни қоида бузиш эвазига тўхтатди.

• 23'

  Обамеянг яна жарима майдони ичида тўпни йўқотди. Унинг кўзларида бугун иштиёқ кўринмаяпти.

• 21'
  

  Кларк ўйиндан ташқари ҳолатда қолиб кетди.

• 19'
  

  Сент-Максиминнинг зарбасидан кейин дарвозабон тўпни қайтарди.

• 16'

  Майдон эгалари марказда тўпни назорат қилмоқда.

• 14'

  Обамеянг жарима майдони ичидан ноаниқ зарба берди.

• 12'

  "Канонирлар" рақибга қараганда фаолроқ ўйин намойиш этяпти.

• 10'

  Эктор Бельериннинг узоқ масофадан берган зарбасига аниқлик етишмади.

• 8'

  Қанотдан узатилган тўпни "Арсенал" дарвозабони эгаллаб олди.

• 6'
  

  ГОООООООООООЛ! Учрашувда ҳисоб очилди!

  Жарима майдонига етказиб берилган тўпни Эл-Нени кучли зарбаси билан дарвозага киритди.

• 5'

  Мартинеллининг зарбасидан кейин тўп ҳимоячидан қайтди.

• 3'

  Лондонликлар тўп назоратини қўлга олиш учун ҳаракатларни бошлаб юборди.

• 1'
  

  Ўйин бошланди!