"Арсенал" янги ҳимоячи сотиб олади

Лондоннинг "Арсенал" клуби қишки трансферлар даврида ҳимоячи сотиб олишни режалаштирмоқда.

“Канонирлар”нинг бу борадаги эътибори "Саутгемптон" ҳимоячиси Седрик Соарешга тушди. Лондонликлар португалиялик футболчини жорий мавсум якунига қадар ижарага олишмоқчи. Трансфер яқин 24 соат ичида ҳал бўлади.

Маълумот учун, Соареш “Саутгемптон” сафида 2015 йилдан буён тўп суриб келмоқда. У ўтган давр мобайнида 138 та ўйинда майдонга тушди ва 3 та гол ҳамда 1 та голли узатмага муаллифлик қилди. Унинг трансфери эса 10 млн еврога баҳоланмоқда.