Arteta: "Bir sovrin bilan to‘xtab qolmoqchi emasmiz"

"Arsenal" bosh murabbiyi Mikel Arteta PSJga qarshi Chempionlar ligasi finali oldidan jamoadagi bosim va maqsadlar haqida gapirdi.

Undan Premier-liga chempionligidan keyin klubga bo‘lgan bosim kamaygan-kamaygani so‘raldi.

"Yo‘q, aksincha, ambitsiyalarimiz yanada oshdi. Bizda bitta chempionlik bor va endi ikkinchisini ham qo‘lga kiritishni istaymiz. Hozir faqat shu haqida o‘ylayapmiz.

Yanada katta maqsadlarga erishish va ko‘proq sovrinlar uchun mustahkam poydevor yaratish kerak.

Bu jamoa g‘alaba qozonishga qodir. Chunki buni so‘nggi mavsumlarda ham, joriy musobaqada ham isbotladi. Men futbolchilarimning ishonchi komil bo‘lishini xohlayman — biz maydonga chiqamiz va buni uddalaymiz", — dedi Arteta.