Артета: "Брайтон"га қарши учрашишни интиқлик билан кутяпмиз"

Англия премер-лигасининг 31-турида "Арсенал" ўз майдонида "Лутон"ни қабул қилиб, 2:0 ҳисобида зафар қучди. Голлардан бирини Эдегор урган бўлса, Ҳашиока ўз дарвозасини ишғол қилиб қўйди.

Лондонликлар бош мураббийи Микель Артета ушбу учрашув ҳақида ўз фикрларини билдириб ўтди. "Ғалабадан жуда хурсандман. Осон ўйин бўлмади, рақибни ҳурмат қилишимиз керак. Улар бизга анчагина муаммо туғдирди. Захирадан майдонга тушган йигитлардан мамнунман. Улар ўйинга креативлик олиб кира олди. Биз "Брайтон" билан учрашишни интиқлик билан кутяпмиз", - дея испанияликнинг сўзларини келтирди BBC.

Маълумот учун, "Арсенал" 68 очко жамғариб, "Ливерпуль"ни ортда қолдириб, турнир жадвалида биринчи ўринга чиқиб олди.