AS: "Реал" мавсум тикланишига ишонмаяпти. Зидан янги мавсумга тайёргарликни бошлади

"Реал" Мадрид клуби коронавирус туфайли тўхтатилган мавсумни якунлашнинг имкони борлигига катта шубҳа қилмоқда. Бу ҳақда AS нашри хабар бермоқда.

Юқоридаги манбага кўра, “қироллик клуби” раҳбарияти COVID-19 га қарши самарали даволаш усули топилмагунича, футболни қайта тиклаб бўлмаслигига ишонмоқда. Улар яқин орада жамоа машғулотларига ва ҳаттоки ўртоқлик ўйинлари ўтказилишига ҳам рухсат берилишига ишонмаяпти.

Хабарларга қараганда, Зинедин Зидан бошчилигидаги “Реал” янги мавсумга тайёргарлик кўра бошлаган.

Сўнгги маълумотларга кўра, Ер юзида коронавирусга чалинганлар сони 900 мингга яқинлашиб қолган.