Асабий руҳда кечган ўйинда АГМК сафарда мағлубиятга учради

Ўзбекистон Суперлигаси 9-туридан ўрин олган "Машъал" - АГМК учрашуви ўз якунига етди. Унда мезбонлар 2:1 ҳисобида ғалаба қозонди.

Дастлаб, Сардор Абдураимов узоқ масофадан берган аниқ зарбаси билан ҳисобни очди. Биринчи бўлим сўнгида Зафар Акрамов жамоасининг иккинчи голига муаллифлик қилди. Олмалиқликлар сафида Дилгод Жўраев сўнгги сонияларда бир аниқ зарба билан бу голларга жавоб қайтара олди.

Шундай қилиб, меҳмонда имкониятни бой берган олмалиқликлар 16 очко билан онлайн жадвалда 3-ўринда қолди. 8 очко тўплаган "Машъал" 11-поғонани банд этган.

• 90+6'
  

  Учрашув якунланди. АГМК қийин кечган ўйинда имкониятни бой берди.

• 90+5'
  

  ГООООООООООЛ! АГМК ҳисобни қисқартирди!

  Жарима майдонига оширилган тўпни Дилшод Жўраев дарвозага аниқ йўллади.

• 90+4'
  

  Яна Чигозига тиббий ёрдам кўрсатилмоқда. Жараён бу сафар бироз чўзилмоқда.

• 90+3'

  Меҳмонлар жарима майдонига яқин ҳудудда стандарт вазиятни қўлга киритди.

• 90+2'

  АГМКга гол зарур. Тўп эса муборакликларда.

• 90'
  

  Ўйиннинг асосий вақтига 4 дақиқа қўшиб берилди.

• 90'
  

  Рақибига нисбатан қоида бузган Ифеани огоҳлантирилди.

• 87'
  

  Бу сафар "Машъал" дарвозабонига шифокорлар ёрдам керак.

• 85'

  Чигози майдонда ётибди. Бироқ унинг ҳолати яхши даражадалиги кўриниб турибди.

• 84'

  Муборакликлар кроослар билан қарши ҳужумга ўтмоқда. Бу сафар чап қанотдан олдинга ўтган Чигозининг зарбасини дарвозабон ушлаб олди.

• 82'

  Чигозининг кучли зарбасидан кейин тўп устун ёнгинасидан ўтиб кетди. Мезбонлар қарши ҳужумда яхшигина хавф туғдирмоқда.

• 80'

  Меҳмонларнинг кетма-кет уринишлари бесамар якунланмоқда.

• 78'

  "Гол урдик, лекин «Машъал» жамоасининг собиқ футболчиси, бугунги ўйин ҳаками Ильин голни бекор қилди",-дея ёзмоқда АГМК матбуот хизмати.

• 77'
  

  Аҳмадалиев ўрнига Сулаймонов тушди.

• 75'

  Жарима майдони ташқарисидан берилган зарбани Эргашев ушлаб олди.

• 74'

  Тошматовнинг бош билан йўллаган зарбасига аниқлик етишмади.

• 72'
  

  Ибе Окоро ўз ўрнини Ифеани Ифеанига бўшатиб берди.

• 70'

  Футболчилар ўзаро тортишиб кетди. Вазиятга ҳакам аралашди.

• 69'

  Меҳмонлар бурчакдан тўпни ўйинга киритиш имкониятини қўлга киритди.

• 67'
  

  Жароҳат олган Акрамов ўрнига Иброхим Нўмонов майдонга тушди.

• 67'
  

  Зафарбек Акрамовга тиббий ёрдам кўрсатилмоқда.

• 65'

  Сирожиддин Қўзиевнинг кучли зарбасидан кейин тўп тўсин юқорисидан ўтиб кетди.

• 63'

  Қосимов шогирдлари катта куч билан олдинга интилмоқда. Бироқ аксарият ҳужумлар зарбасиз якунланмоқда.

• 61'
  

  Тошматовнинг кучли зарбасидан кейин дарвозабон тўпни қайтарди.

• 61'
  

  Сардор Раҳмонов ўз ўрнини Шоаҳмедовга бўшатиб берди.

• 58'
  

  Жўраевнинг бош билан йўллаган зарбасидан кейин дарвозабон тўпни қайтарди.

• 56'

  АГМК борган сари босимни оширмоқда.

• 54'

  Жарима майдони ичида тўпни қабул қилиб олган Фортес зарба йўллай олмади. Ҳимоячилар яхши ҳаракат қилди.

• 51'

  "М.Қосимовнинг асаблари ёнмоқда, ўтириш ва баҳсни кузатиш унинг учун оғир кечмоқда!",-дея ёзмоқда "Машъал" матбуот хизмати ўз "Телеграм" каналида.

• 50'

  Элвин Фортеснинг узоқ масофадан берган зарбаси тўсин юқорисидан ўтиб кетди.

• 48'

  Бўлимларнинг иккинчисида меҳмонлар фаол старт намойиш этмоқда.

• 46'
  

  АГМК таркибида Гадоев ўрнига Тошматов, Ғофуров ўрнига Фортес тушди.

• 46'
  

  Иккинчи тайм бошланди!

• 46'

  Футболчилар майдонга қайтди.

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 45'
  

  ГОООООООООООЛ! Мезбонлар ҳисобни ишончли кўринишга келтирди!

  Жарима майдонига етказиб берилган тўпни Акрамов дарвозага киритди.

• 43'
  

  Миржамол Қосимов жароҳат олиб майдонни тарк этди. Унинг ўрнига Зафар Полвонов ўйинни давом эттиради.

• 42'

  Гадоевнинг жарима майдони ичидан берган зарбасига аниқлик етишмади.

• 40'
  

  Рақибини қўл билан ушлаб қолгани учун Сардор Раҳмонов огоҳлантирилди.

• 38'

  АГМК футболчилари олдинги чизиқда катта муаммоларга дуч келмоқда.

• 36'

  Қосимов жарима майдонига тўп оширди. Дарвоза томон берилган зарбани дарвозабон осонликча эгаллаб олди.

• 34'
  

  Касьянга нисбатан қўполлик ишлатган Муҳаммад Йўлдошевга сариқ карточка кўрсатилди.

• 33'

  Комилов узатган тўпни Касьян дарвозага кирита олмади.

• 32'

  Устунлик меҳмонлар томонга ўтди. Энди кетма-кет ҳужумлар Эшбўтаев дарвозаси қаршисида юзага келмоқда.

• 30'

  Қўзиевнинг узоқ масофадан йўллаган зарбасига аниқлик етишмади.

• 28'

  Олмалиқликлар рақиб жарима майдони атрофида қисқа узатмалар билан рақиб ҳимоясидаги заиф нуқтани изламоқда.

• 26'

  Мезбонлар стандарт вазиятдан бурчак тўпи ишлаб олди. Деярли бир хил нуқтадан тўп ўйинга киритилади.

• 24'

  Муборакда ҳаво ҳарорати юқори. Ҳакам футболчиларга салқинланиб олиш имкониятини берди.

• 22'

  Муртазоевнинг узатмаси Чигозигача етиб келмади. Ҳимоячи тўпни қайтарди.

• 21'

  Миржамол Қосимовнинг олис масофадан берган зарбасига аниқлик етишмади.

• 19'
  

  Турсуновнинг зарбасидан кейин Эшбўтаев тўпни қайтарди.

• 16'

  Қосимов шогирдлари фаолликни оширмоқда.

• 14'

  Акром Комиловнинг узатмаси шерикларига қадар етиб бормади.

• 12'

  Жаримадан Ғофуровнинг берган зарбаси ноаниқ чиқди.

• 11'

  Жарима майдонига узоқ бўлмаган ҳудудда меҳмонлар стандарт вазиятга эга бўлди.

• 8'

  Кичик назорат Хомяков шогирдлари томонда бўлиб турибди.

• 6'

  Мезбонлар голга дарҳол реакция билдира олди. Ғофуровнинг зарбаси тўсин юқорисидан ўтиб кетди.

• 4'
  

  ГОООООООООЛ! Мезбонлар ҳисобни очди!

  Сардор Абдураимовнинг узоқ масофадан берган аниқ зарбаси дарвоза тўридан жой олди.

• 3'

  Майдон эгалари илк дақиқалардан фаол ўйин намойиш этмоқда.

• 1'
  

  Ўйин бошланди!