Asadxo‘ja Mo‘ydinxo‘jaev: Keyingi bosqichlarda bundan yorqin janglar o‘tkazib, chiroyli g‘alabaga erishamiz, deb umid qilaman

Toshkentdagi "Humo arena"da boks bo‘yicha erkaklar o‘rtasida jahon chempionati davom etmoqda.

-67 kg vazn toifasida Asadxo‘ja Mo‘ydinxo‘jaev yaponiyalik Yuto Vakitaga qarshi ringga ko‘tarildi. Jangda hamyurtimiz 5:0 hisobida raqibidan ustun keldi.

Ushbu muvaffaqiyatdan so‘ng Asadxo‘ja Mo‘ydinxo‘jaev o‘z fikrlari bilan o‘rtoqlashdi.

- Birinchi jangni o‘tkazib oldik. Ilk jangim bo‘lgani uchun biroz qiyin kechdi. Lekin ikkinchi raunddan keyin harakatlarim o‘yshay boshladi. Raqibim bungacha bitta jang o‘tkazgandi. Shu jangning videosini ko‘rib, uni o‘rgandim.

Keyingi bosqichlarda bundan yorqin janglar o‘tkazib, chiroyli g‘alabaga erishamiz, deb umid qilaman, - dedi Asadxo‘ja Mo‘ydinxo‘jaev.