Асрор Ғофуров:

“Сурхон” – “Металлург” баҳсида мезбонлар ҳакам томонидан қўшиб берилган дақиқаларда киритилган ягона гол эвазига муҳим ғалабани қўлга киритди.

Ушбу баҳсда “Сурхон” жамоаси сардори сифатида тўп сурган Асрор Ғофуров ҳам ўзидан яхши таассурот қолдирди. У sports.uz сайтига қўлга киритилган ғалабали ўйин тўғрисида ўз фикрлари билан ўртоқлашди.

- Чемпионатнинг биринчи ўйинини ғалаба билан бошлаш ёқимли. Мухлисларимизга раҳмат айтмоқчиман. Ушбу учрашув учун яхши тайёрлангандик. Бунинг мевасини кўрдик. Бундан кейин ҳам фақат ғалаба учун ҳаракат қиламиз. Таассуротларим жуда яхши. Ишқибозларимиз олдида юзимиз ёруғ бўлди. Ғалабаларимиз бардавом бўлиши учун курашамиз.

Худога шукр, биринчи бор жамоа сардори бўлиб майдонга тушган ўйинимда уч очкони қўлга киритдик. Шу ўринда жамоадошларимга ҳам раҳмат айтаман.

Тўғриси, биринчи дақиқадан охирги дақиқагача ғалаба қозонишимизни кутгандим ва ишонгандим. Яхши тайёрланганимиз учун ютишимизга ишончим комил эди. Учрашувни кўрган бўлсангиз, голли вазиятларимиз кўп бўлди. Барибир гол уришимизга ишонардим. Жамоамизда ҳеч ким дурангга рози  эмасди, - деди Ғофуров.  

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар