"Атлетико", "Милан" ва "Боруссия Д" бир футболчи учун кураш бошлади

"Атлетико", "Милан" ва "Боруссия Д" клублари "Лилль" ярим ҳимоячиси Жонатан Иконе учун рақобат бошлади. Бу ҳақда Calciomercato нашри хабар тарқатмоқда.

Юқоридаги манбага кўра, ушбу клублар 23 ёшли франциялик футболчини жорий ёзги трансферлар давридаёқ сотиб олмоқчи. Ўз навбатида "Лилль" етакчи футболчисини қўйиб юбормоқчи эмас, бироқ молиявий томондан яхши таклиф бўлса, уни кўриб чиқиши мумкин.

Иконе асли ПСЖ клуби тарбияланувчиси ҳисобланади. У якунланган мавсум "Лилль" сафида жами 48 та ўйинда иштирок этди ва ўз ҳисобига 7 та гол ҳамда 7 та голли узатма ёздириб қўйди.

Жонатаннинг “Лилль” билан амалдаги шартномаси 2023 йилга қадар имзоланган.