"Атлетико" футболчиси янги мавсумни "Манчестер Юнайтед"да бошлаши мумкин

“Атлетико” Мадрид ҳимоячиси Киран Триппьер яна Англия премьер-лигасига қайтиши мумкин.

The Athletic нашри тарқатган хабарга қараганда, 30 ёшли англиялик футболчига “Манчестер Юнайтед” клубидан жиддий қизиқиш пайдо бўла бошлаган. Манкунианликлар мураббийлар штаби таркибда Аарон Уан-Биссакага муносиб рақобатчи бўлишини хоҳламоқда ва бу борада айнан Триппьер номзодини илгари  суришмоқда.

Кираннинг ўзи ҳам АПЛга қайтмоқчи, гарчи “Атлетико” у билан шартномани узайтириш истагини билдираётган бўлса ҳам.

Триппьер “Атлетико” сафига 2019 йилнинг ёзида “Тоттенхэм”дан кўчиб ўтган эди. У жорий мавсум “матрасчилар” сафида 34 та ўйинда иштирок этди. Унинг мадридликлар билан амалдаги шартномаси 2022 йилга қадар имзоланган.

Фикрлар

Фикр қолдириш учун авторизациядан ўтинг!