"Атлетико" Хаби Алонсонинг собиқ шогирдини ўз сафига қўшиб олмоқда

"Байер" ҳимоячиси Алехандро Гримальдо фаолиятини Испанияда давом эттиришга яқин турибди.

Инсайдер Фабрицио Романонинг маълум қилишича, "Атлетико" ва "Байер" трансфер бўйича оғзаки келишувга эришган.

Манбага кўра, битим қиймати бонуслар билан биргаликда 20 миллион евродан ошади.

Шунингдек, Гримальдонинг "Атлетико" билан шахсий шартнома шартлари ҳам ўтган ҳафтаёқ келишиб олинган.

Энди томонлар трансферни расман якунлаш учун сўнгги ҳужжатлар устида иш олиб бормоқда.

29 ёшли испаниялик ҳимоячи сўнгги мавсумларда "Байер" сафида барқарор ўйини билан ажралиб турди ва жамоанинг муваффақиятларида муҳим роль ўйнади.