Азамат Алланиёзов: "Насаф" билан дўстона хайрлашдим

Бироз аввал "Насаф" жамоаси ҳужумчиси Азамат Алланиёзовнинг "Қизилқум" билан шартнома имзолагани ҳақида хабар берган эдик. Бундан эса кўпчилик "Насаф" мухлислари хайратга тушгани табиий, шу сабабдан бу масалага ойдинлик киритиш мақсадида футболчининг ўзи билан боғландик.

Мен футболдаги ўрнимни "Насаф"да топдим, бу ерда мен учун ҳаммаси яхши эди. Аммо жароҳатлар сабаб ўйинимда пасайиш бўлди. Оқибатда кўплаб ўйинларда заҳирада қолдим. Шу сабабдан ўзимни бошқа жамоада синаб кўришга қарор қилдим,- дея гап бошлади футболчи.

"Насаф" вакиллари билан дўстона хайрлашдик, улар билан яқин аълоқаларимиз умрбод сақланиб қолишига ишонаман. Қашқадарёда ўтган ҳар бир куним ҳаётининг энг бахтли кунлари қаторида бўлади. Қаршидаги баъзамизни соғинаман. Мухлисларни соғинаман... 

Қашқадарёлик футбол мухлисларига оғир пайтда ҳам биз билан бўлиб жамоамизни қўллаб қувватлашгани учун миннатдорчилик билдираман. Уларни ҳеч қачон унутмайман. 

Шу ўринда "Насаф"даги барча жамоадошларимга, жамоамиз раҳбариятига, Рўзиқул ака Бердиевга, Шухрат Тошпўлатовга, Денис Иванков, клубимиз шифокори Барат акага, массажчисига, базамиздаги ошпазларимиз - Жамшид ака ва Нурбекка, матбуот котиби Ренат ака Эрназаровга ва Сардор Нуровга, барча барчага рахмат айтаман, -дея фикрига якун ясади собиқ "аждар".

Энди эса янги жамоамда ўзимнинг энг яхши ўйинимни кўрсатиб, "Қизилқум"нинг муваффақиятларига ўз хиссамни қўшаман.