Азар: "Винисиусга босим жуда катта, одамлар унинг қандай ажойиб футболчи эканини унутиб қўйишмоқда"

"Реал"нинг собиқ футболчиси Эден Азар Винисиус Жуниорга қаратилган ҳақоратлар ҳақида фикр билдирди.

"У шунчаки футболни яхши кўрадиган, ўйнашни ёқтирадиган ва ўйиндан завқ олишни истайдиган инсон. Бу жиҳатдан у менга бироз ўхшайди.

Ҳозир биз унинг майдонда қилаётган ишларидан кўра, у нимага дуч келаётгани ёки нима қилаётгани ҳақида кўпроқ гапиряпмиз. Одамлар унинг қанчалик ноёб футболчи эканини унутиб қўйишяпти. Бу, албатта, унга босим ўтказса керак. Бундай шароитда ўйинга келиб, фақат футбол ҳақида ўйлаш осон эмас.

Ўйин олдидан унинг хаёлида жуда кўп нарса бўлади. Баъзан мен: “Бечора йигит”, деб ўйлаб қоламан. У ўйин пайтида ҳақоратларга дуч келишини олдиндан билади ва бунга қарши деярли жиддий жазо ҳам қўлланмайди. Бу жуда оғир бўлса керак. Мен ҳатто ҳайрон қолмайман, агар у 30 ёшида футболни тарк этишини айтса. Чунки барибир ҳеч нарса ўзгармаяпти.

Дўст сифатида мен унга шундай дердим: “Эҳтиёт бўл. Ўзинг истаганингдек ўйна, аммо эҳтиёт бўл. Одамлар сенинг томонингда, шунинг учун футбол ўйна, завқ ол ва биз — ҳақиқий футбол мухлисларини хурсанд қил. Сен рақсга тушганда, одамларга ёқадиган тарзда рақс туш. Роналдиньо ҳам рақс тушарди, аммо мен бундай жанжаллар ҳақида эшитмаганман”.

Мен Винисиус билан тўрт йил бирга ўйнадим ва у жисмонан ҳам, руҳан ҳам кучли эканини тезда тушундим. Дунёдаги энг яхши клубда ўйнаб, у қилаётган ишларни бажариш — бу катта иш. Мен бунга фақат ҳурмат билан қарайман", — деди Азар.