Азиз Ғаниев қайтди!

Бирлашган Араб Амирликлари Про Лигаси 25-тур доирасидаги "Ҳатта" - "Шабаб Aл-Аҳли" баҳси бўлиб ўтди. Учрашув меҳмонларнинг  5:2 ҳисобидаги ғалабаси билан якунланди.

Хабарингиз бор, ҳамюртимиз Азиз Ғаниев "қизил рицарлар" сафида тўп суради. 26 ёшли ярим ҳимоячимиз сўнгги 2 ўйинда захирада қолган эди.  Кечаги учрашувда эса у илк дақиқаларданоқ майдонга тушди ва тўлиқ 90 дақиқа ҳаракат қилди.Бундан ташқари, Ғаниев жамоасининг иккинчи голига ассистентлик қилди. 

Маълумот учун, ўтган мавсумда чемпионликни қўлга киритган "Шабаб" 25 ўйиндан сўнг турнир жадвалида  2-ўринда бормоқда. Бу мавсум чемпионлик муддатидан аввал ҳал бўлиб улгурди.  "Aл-Васл" 24-турда чемпионликни расмийлаштирганди.

                                                                                                                                                                                                                                                       Фарҳод Тулкунов.