Баҳодир Жалолов муддатидан олдин ғалабага эришди. Техник нокаут

Тошкентдаги "Ҳумо арена"да бокс бўйича эркаклар ўртасидаги жаҳон чемпионати давом этмоқда.

Бир неча дақиқадан сўнг + 92 кг вазн тоифасида австралиялик Теремоана Теремоана билан рингга кўтарилади.

Боксчилар рингга чиқиб келмоқда. Баҳодир Жалолов қизил формада, унинг рақиби кўк либосда ҳаракат қилади.

Жалолов биринчи раундни ўз фойдасига ҳал этди - 5:0.

Иккинчи раундда австралиялик боксчига уч бор ҳисоб очилди. Натижада ҳакам жангни якунлади. Шу тариқа, Баҳодир Жалолов иккинчи жангида муддатидан олдин ғалаба қозониб, техник нокаут қайд этди.