Баримиз оламиз! “Барса” суперҳужумчидан воз кечмоқчи эмас

Испаниянинг амалдаги чемпиони “Барселона” раҳбарияти Мадриднинг “Атлетико” клуби ҳужумчиси Хулиан Альвареснинг ҳозирги жамоасини тарк этиш истагини очиқ айтганини юқори баҳолади.

Каталонияликлар “футболчини шунчаки ташлаб қўя олмасликларини” тушунишмоқда ва уни ўз сафига қўшиш учун барча имкониятларни ишга солишни режалаштирмоқда.

Бу ҳақда Mundo Deportivo хабар қилди.

Манбага кўра, аргентиналик ҳужумчи ҳали ҳам “Барселона”нинг асосий трансфер мақсади бўлиб қолмоқда. Шу билан бирга, каталонияликлар Альварес трансфери амалга ошмай қолган тақдирда муқобил вариантлардан ҳам воз кечишмаган.

Шунингдек, каталонияликлар Аргентина терма жамоасида ўйнаётган Альваресни жаҳон чемпионати давомида чалғитишни истамаяпти. Шу сабабли клуб футболчининг эҳтимолий трансфери бўйича ҳаракатларни бир неча кунга тўхтатиб туришни маъқул кўрмоқда.