Баркли АПЛга қайтди

Ўтган мавсумни "Лутон"да ўтказган Росс Баркли "Астон Вилла"га кўчиб ўтди. Бу ҳақида АПЛ клуби расман эълон қилди. 

Ушбу трансфер учун бирмингемликлар бонуслари билан 6 миллион евро сарфлашди, лекин у билан неча йиллик шартномага қўл қўйилгани борасида маълумотлар йўқ. 

Барклининг "Астон Вилла"га ўтишида Унаи Эмери катта ишни бажарди. Айнан испаниялик мутахассис ярим ҳимоячини таркибда кўришни истади ва раҳбариятдан мазкур харидни сўради. 

Эслатиб ўтамиз, Баркли фаолияти давомида "Лидс", "Эвертон", "Челси", "Ницца" каби жамоаларда тўп тепишга улгурган.