Асосий мазмунга ўтиш
Футбол

Барколанинг пасайтирилан нархи ҳам "Ливерпуль"га ёқмади

Ali Ahmadxo’jayev
Изоҳлар: 0

Томонлар келиша олмаяпти

«Пари Сен-Жермен» ва «Ливерпуль» ҳали ҳам Брэдли Баркола трансфери бўйича умумий ечимга кела олмаяпти. Париж клуби аввал бошда ёш вингер учун тахминан 169 миллион евро сўраган, бу эса «Ливерпуль» раҳбариятини мутлақо қониқтирмаган.

Журналист Алекс Крук тарқатган маълумотларга кўра, ПСЖ трансфер нархини 149 миллион евро атрофигача туширишга тайёр. Шунга қарамай, мерсисайдликлар бу миқдорни ҳам ортиқча деб ҳисобламоқда ва бундай сумма тўлаш нияти йўқ.

Ишончли манбаларга кўра, «Ливерпуль» француз футболчиси учун 100–110 миллион евро атрофида таклиф беришга тайёр. 

Transfermarkt портали баҳосига кўра эса, 23 ёшли Барколанинг бозор қиймати ҳозирча 90 миллион еврони ташкил қилади.

Брэдли Баркола «Пари Сен-Жермен» сафида барча мусобақалар доирасида 152 ўйин ўтказиб, 39 та гол урган ва 37 та голли узатма амалга оширган.

Улашиш
SPORTS.uz'нинг Instagram'даги саҳифасига қўшилинг!

Изоҳлар (0)

Ҳозирча изоҳлар йўқ