"Барса" да ўйнаган футболчи: "Олтин тўп" футболга зиён келтиряпти

Франция терма жамоаси ва каталониялик «Барселона»нинг собиқ ҳимоячиси Самуэль Юмтити «Олтин тўп» мукофоти ҳақида ўз фикрини билдирди.

Унинг таъкидлашича, бу мукофот атрофидаги маросим энди аввалги аҳамиятини йўқотган.

- «Олтин тўп» тақдимот маросими эндиликда маъносиз бўлиб қолди. Ҳозир бу соврин футболга жиддий зарар етказяпти. Футбол – жамоавий ўйин, аммо футболчилар кўпроқ «Олтин тўп»ни қўлга киритиш ҳақида ўйлашяпти, жамоа натижалари эса орқа планга суриляпти. 

Месси ва Роналду даври тугагач, мен учун бу мукофот қизиқ бўлмай қўйди», – дея Юмтитининг сўзларини RMC Sport келтиради.

Ҳозирги кунда ушбу нуфузли индивидуал соврин соҳиби ПСЖ ва Франция терма жамоаси вингери Усмон Дембеле ҳисобланади.