"Барса" футболчиси Фати Испания паспортига эга бўлди

"Барселона" ярим ҳимоячиси Анссумане Фати Испания фуқаролигига эга бўлди.

16 ёшли футболчи Бразилияда бўлиб ўтадиган ёшлар ўртасидаги жаҳон чемпионати учун Испания (У-17) терма жамоасига номзод бўлган 50 та футболчи қаторига киришга ҳам улгурди.

Фати Гвинея-Бисауда туғилган, у Португалия фуқаролигини ҳам қабул қилиши мумкин эди. Аммо якунда Испанияни танлади.

Эслатиб ўтамиз, ёш футболчи Ла Лиганинг жорий мавсумида 3 та баҳс ўтказди ва 2 та гол уриб, битта голли узатмани амалга оширди.