"Barsa" Gvardiolaning ishongan shogirdini sotib olmoqchi

Yangi jamoa tuzishga kirishgan "Barselona" yana bir katta transferni amalga oshirmoqchi.

"El Nacional" nashri tarqatgan xabarga ko‘ra, kataloniyaliklar "Manchester Siti" yarim himoyachisi Fil Fodenni sotib olishni niyat qilgan. Bu transferni shaxsan bosh murabbiy Xavi talab qilmoqda. Muzokaralar allaqachon boshlangan.

Xavi unda sobiq jamoadoshi Andres Inestaning harakatlarini ko‘rmoqda. "Transfermarkt" portali 21 yoshli futbolchini 85 million evroga baholamoqda.

Joriy mavsum Foden "shaharliklar" libosida 19 o‘yinda maydonga tushdi hamda o‘z hisobiga 6 tadan gol va assistni yozdirib qo‘yishga muvaffaq bo‘ldi.