“Барса”: Икки футболчини 100 миллион евродан арзонга бер!

Испания чемпионлигини қўлга киритишга яқин турган “Барселона” ёзги трансфер ойнаси даврида “Челси”нинг бир вақтнинг ўзида икки футболчисини харид қилиш имкониятини кўриб чиқмоқда.

Каталонияликларнинг қизиқиш доирасига чап қанот ҳимоячиси Марк Кукурелья ва ҳужумчи Жоао Педро тушган.

Transfer News Live ва El Nacional манбасига таяниб хабар беришича, Каталония гранди раҳбарлари испаниялик ва бразилиялик футболчиларни жами 100 млн евродан кам маблағ эвазига сотиб олиш мумкин, деб ҳисобламоқда.

Ханс-Дитер Флик жамоасида чап қанот ҳимояси ва ҳужум маркази чизиғи энг муаммоли позициялардан бири ҳисобланади, шунинг учун клуб ушбу нуқталарни кучайтиришни устувор вазифа сифатида белгилаган.

Transfermarkt портали 27 ёшли Кукурелья ва 24 ёшли Педронинг бозор қийматини мос равишда 50 ва 75 миллион еврога баҳолаган.