"Барса" икки кунда икки футболчи трансферини эълон қилади

"Барселона" чоршанба куни "Милан" футболчиси Франк Кессьени ўз футболчиси сифатида таништиради. Эртаси куни эса клуб "Челси" ҳимоячиси Андреас Кристенсен билан таништирув маросимини ўтказади. 

Бу ҳақда жамоа президенти Жоан Лапорта хабар берди. Иккала футболчи ҳам эркин агент сифатида "кўк-анорранглилар" сафига кўчиб ўтади.

Маълумот ўрнида, Кессье ўтган мавсум "Милан" таркибида А Сериянинг 31 ўйинида 6 гол уришга муваффақ бўлган. Кристенсен "Челси" сафида АПЛнинг 19 учрашувида иштирок этган. Бироқ ҳимоячи бирорта самарали ҳаракат амалга оширмаган.