“Барса” Месси билан жаҳон чемпиони бўлган футболчини олади

“Барселона” мутасаддилари ёзги трансферлар вақтида ҳимоянинг ўнг қанотини кучайтиришни режалаштирмоқда.

Каталония клуби скаутлари бу позицияга “Вильярреал” вакили Хуан Фойтни олиб келишни тавсия қиляпти. Аслида “Барселона” бу ўйинчига ўтган ёзда ҳам қизиқиш билдирганди. Лекин ўшанда вазият трансферни амалга оширишга тўсқинлик қилган.

Журналист Гастон Эдулнинг маълум қилишича, каталонияликлар трансферни муҳокама қилиш учун 25 ёшли футболчи агентлари билан алоқа ўрнатган.

Хуан Фойтнинг “Вильярреал” билан шартномаси 2026 йилнинг ёзигача имзоланган. Transfermarkt портали футболчини 25 миллион еврога баҳоламоқда.