“Барса” Салоҳ ва Сондан юз ўгиргани сабаби ошкор бўлди

“Барселона” ёзда Англия Премьер-лигасини тарк этиши кутилаётган “Тоттенхэм” ҳужумчиси Сон Хён Мин ва “Ливерпуль” тўпурари Муҳаммад Салоҳни олишга қизиқиш билдирган эди.

Ҳар икки юлдузнинг клуб билан шартномаси ёзда якунига етади. “Тоттенхэм” ҳам, “Ливерпуль” ҳам ўз етакчисига ҳали янги битим бергани йўқ.

Журналист Мигель Риконинг маълум қилишича, каталонияликлар Салоҳ ва Сонни олиш фикридан қайтган ва уларга таклиф юбормайдиган бўлди.

“Барселона” спорт директори Деку ёзги трансферлар вақтида ҳужум чизиғига клубга узоқ йиллар давомида хизмат қилиши мумкин бўлган ёш ижрочиларни олиб келишни мўлжаллаяпти. Шу боис, ёши ўттиздан ўтган Муҳаммад Салоҳ ва Сон Хён Мин каби юлдузлар уларнинг режасидан чиқарилди.