“Барса”: Сени кўргани кўзимиз йўқ!

“Барселона” раҳбарияти жамоанинг нидерландиялик ярим ҳимоячиси Френки де Йонгнинг лоқайдлигидан жумбушга келмоқда.

Клуб мутасаддилари 27 ёшли футболчи янги шартнома бўйича бир неча ойдан бери жавоб қайтармаётгани ва ўйинини яхшилашга ҳаракат қилмаётганидан норози бўлмоқда.

Sport.es сайтининг ёзишича, “Барселона” бундай муносабатдан кейин плеймейкердан тезроқ қутилиш ҳаракатига тушиб қолган. Клуб Френкини 2025 йилнинг ёзида арзон нархга бўлса ҳам, сотиб юборишга қарор қилди.

Таъкидлаш жоизки, Френки де Йонг нафақат “Барселона”да, балки Ла Лигада энг энг катта маош оладиган ўйинчилардан ҳисобланади. Айнан мана шу омил клубга янги ўйинчиларни трансфер қилиш ва рўйхатдан ўтказишга ҳалақит қилмоқда.

2019 йилда “Аякс”дан “Барселона”га кўчиб ўтган футболчи жорий мавсумда 13 та учрашувда қатнашиб, биттадан гол ва ассист қайд этди холос.