“Барса”: Трансфер гавдага яраша бўлсин!

“Барселона” январдан “Вульверхэмптон”дан ижарага олинган Адама Траорени ўз сафида қолдирмоқчи. Каталонияликлар уни тўлиқ сотиб олиши учун 30 миллион евро топиши керак.

Улар инглизларга бошқа вариантни таклиф қилмоқда. “Барса” мутсаддилари Траорени икки ёш футболчи Рики Пуч ва Франсишку Тринкауга алиштирмоқчи.

Тринкау ҳозир ижара асосида “бўрилар” сафида тўп тепмоқда ва Англия премьер-лигасида 22 та учрашувда иштирок этишга улгурди. Унинг ўйини “Вулверхэмптон” мураббийларига маъқул келмоқда.

Рики Пуч ҳозирги бош мураббий Хавининг режаларига кирмайди ва клуб ёзда ундан қутилиши талаб этилмоқда.

Таъкидлаш лозимки, Адама Траоре аслида “Барселона” тарбияланувчиси ҳисобланади ва юлдузли таркибга кира олмагани учун бошқа клубларга кетишга мажбур бўлган.