"Барса" ва "Реал" сўраган футболчи нархини айтишди

Ла Лига грандлари Англия чемпионатида ўйнаётган испаниялик футболчи Педро Порро учун катта пул сарфлашига тўғри келади.

«Тоттенхэм» ўзининг қанот ҳимоячиси Педро Порро учун расмий нарх белгилади. Испаниялик футболчига «Барселона» ва «Реал» жиддий қизиқиш билдирмоқда.

Лондон клуби Порро трансфери учун 88,6 миллион евро талаб қилмоқда. Маълумотларга кўра, ҳимоячи бўйича музокаралар аллақачон бошлаб юборилган.

Манбаларга кўра, «Барса» ҳам, «Реал» ҳам Педро Поррони ҳимоянинг ўнг қанотини кучайтириш учун устувор номзод сифатида кўрмоқда.