"Барселона" афсонаси Марокаш терма жамоасида иш бошлаши мумкин

"Барселона" собиқ ярим ҳимоячиси Андрес Иньеста тез орада мураббийлик фаолиятини бошлаши мумкин. Бу ҳақда "Mundo Deportivo" нашри хабар бермоқда. 

Манбада берилган маълумотга кўра, Иньеста мураббийлик йўлини Марокаш терма жамоасида бошлашга яқин. Испаниялик собиқ футболчи бўлажак жаҳон чемпионати олдидан Валид Реграги штабидаги ёрдамчиларидан бири сифатида иш бошлаши мумкин. 

Андрес 2024 йилда футболчилик фаолиятини якунлаган эди.

Эслатиб ўтамиз, ЖЧда марокашликлар Бразилия, Шотландия ва Гаити терма жамоалари билан бир гуруҳдан жой олган.