"Барселона" Альварес учун таклифни оширишга тайёр

«Барселона» ёзги трансфер ойнасида ҳужумчи Хулиан Альваресни қўлга киритиш режасидан ҳали воз кечгани йўқ. The Touchline нашри журналист Санти Оваллега таяниб хабар беришича, каталонияликлар футболчи учун таклифни 130 миллион еврогача оширишга тайёр.

Шу билан бирга, «Атлетико»га яқин манбалар клуб раҳбарияти «Барселона» билан Альварес бўйича музокара олиб боришни истамаслигини таъкидламоқда.

Аввалроқ «Барселона» 26 ёшли аргентиналик ҳужумчи учун 100 миллион евро таклиф этгани маълум қилинган эди. Хабарларга кўра, Хулиан Альвареснинг ўзи каталония клубига ўтишни истайди, бироқ «Атлетико» бу борада қатъий позицияни сақламоқда: мадридликлар форвардни «Камп Ноу»га қўйиб юбориш ниятида эмас.