"Barselona" Dembele bilan yangi shartnoma borasidagi muzokaralarni to‘xtatdi

"Barselona" Usmon Dembele bilan shartnomani uzaytirish borasidagi muzokaralarni to‘xtatdi.

"Sport" nashri xabariga ko‘ra, "ko‘k-anorranglilar" rahbariyati futbolchiga yaqin orada maoshini oshirishni taklif qila olmasligini tushundi.

O‘tgan yozda Dembelening avvalgi shartnomasi yakunlangan edi. Biroq frantsiyalik vinger oddiyroq maosh bilan atigi ikki yilga mo‘ljallangan yangi shartnoma imzoladi va Kataloniyada qolishga qaror qildi. Usmon kelasi yilda erkin agentga aylanadi.

Eslatib o‘tamiz, Dembele "el-klasiko"da kataloniyaliklarga yordam bera olmadi.