“Барселона” футболчисини ўлдирганликда гумонланаётган икки шаҳс ҳибсга олинди

Эквадорнинг “Барселона” клуби футболчиси Марио Пинейдани ўлдиришда гумонланаётган икки киши мамлакат полицияси томонидан қўлга олинди.

Бу ҳақда The Independent нашри хабар берди.

Футболчининг вафоти ҳақида чоршанба куни маълум бўлганди. ОАВ маълумотларига кўра, мотоциклда келган икки нафар шахс дўкондан чиқиб кетаётган пайтда футболчи, унинг рафиқаси ва онасига ўқ узган. Пинейда ва аёли воқеа жойида ҳалок бўлган, онаси эса оғир аҳволда шифохонага етказилган. Фожеа Гуаякиль шаҳрида содир бўлган.

Эквадор прокуратураси икки гумонланувчининг ҳибсга олинганини тасдиқлади. Маҳаллий судьянинг фикрича, уларга қарши етарли далиллар тўпланган. Бироқ улар жазодан қутилиб қолиш йўлларини ҳам излаётгани айтиляпти. Гумонланувчилардан бири видеокамералар орқали мотоцикл ҳаракатини кузатиш натижасида аниқланган.

Пинейда Эквадор терма жамоаси сафида саккизта ўйин ўтказиб, бирта голли узатма муаллифи бўлган. Клуб миқёсида эса у “Эл-Насиональ”,  “Флуминенсе” ва “Индепендьенте дель Валье” жамоаларида ҳам тўп сурган.