"Барселона" "Милан" футболчиси билан деярли келишувга эришди

"Барселона" жамоаси "Милан" футболчиси Франк Кессье билан оғзаки келишиб олди. Футболчи ёзда эркин агент сифатида каталон клубига кўчиб ўтади. 

"Sport" нашрининг хабар беришича, африкалик ярим ҳимоячи миланликларнинг шартнома узайтириш борасидаги барча таклифларини рад этган. У жамоадан кетишни истаяпти. 

Ҳозирда Кессьега "Барселона"дан ташқари МЮ, "Тоттенхэм" ва "Арсенал" каби АПЛ грандлари қизиқиш билдирмоқда. Унинг ўзи Испанияда тўп тепишни хоҳлаётганини айтган. 

Маълумот ўрнида, Франк Кессье ушбу мавсум А Сериянинг 20 баҳсида 5 гол уришга муваффақ бўлган.