"Барселона" Педри ортидан яна бир футболчиси билан шартномани узайтирди

Гави "Барселона" билан шартномасини узайтирди.  Бу ҳақда Каталония клуби матбуот хизмати хабар берди. 

20 ёшли ярим ҳимоячининг "кўк-анорранглилар" билан янгиланган шартномаси 2030 йилнинг ёзига қадар мўлжалланган. 

Гави "Барселона" академияси тарбияланувчиси саналади. Клуб таркибида у 2022/23 йилги мавсумда Испания чемпионлигини қўлга киритган. 

У жорий мавсум жами 20 та ўйинда майдонга тушиб, 2 та гол ва 3 та ассист муаллифига айланган.