“Barselona”: Sen birinchi ketasan!

“Barselona” rahbariyati joriy mavsum yakunlanganidan keyin  daniyalik himoyachi Andreas Kristensenni jamoadan qo‘yib yuborish to‘g‘risida bir  qaror qildi. 

Tajribali futbolchi Kataloniya klubiga 2022 yilning yozida erkin agent sifatida kelgan edi. Biroq keyingi paytda jarohatga moyil bo‘lib qolgani uning asosiy tarkibga kirish imkoniyatini pasaytirib yubordi.

Klub sport direktori Deku maoshlar jamg‘armasini qisqartirish, tushumni ko‘paytirish bo‘yicha ish olib bormoqda. Bu borada jamoaga etarli darajada yordam bera olmayotgan Kristensenning ketishi maosh tejash imkonini beradi.

Bosh murabbiy Xans-Diter Flikda tanlov imkoniyati katta. Andreas ichki raqobatda Ronald Arauxo, Jyul Kunde, Inigo Martines va Pau Kubarsiga imkoniyatni boy beryapti.

28 yoshli futbolining amaldagi shartnomasi aslida 2026 yilning yarmigacha davom etishi belgilangan. Kristensen joriy mavsumda La Ligada bir bor maydonga tushib, atigi 26 daqiqa o‘ynagan xolos.