"Барселона" Уильямс трансферини тезроқ ҳал қилмоқчи

Каталония клубининг янги бош мураббийи Ханс-Дитер Флик ёзги трансферлар ойнасида Нико Уильямсни сотиб олишни клуб раҳбариятига асосий мақсад этиб белгилади. "Барселона" жамоаси расмийлари яқин ҳафталар ичида музокаралар ўтказиш учун тайёргарлик кўрмоқда.

Испаниялик вингер учун дунёнинг топ жамоаларидан қизиқиш билдирилмоқда. Хусусан, "Арсенал" ва "Челси" жамоалари футболчини қўлга киритиш учун кўз тикишмоқда. Никонинг ўзи Каталония клубига келиб қўшилишга қарши эмас. 

Маълумот учун, Нико Уильямс якунига етган мавсумда 31 та ўйинда майдонга тушиб, 5 та гол ва 11 та голли узатмани амалга оширди. Унинг "Transfermarket" порталидаги ҳозирги нархи 60 млн еврони ташкил қилади.