"Barselona" yana bir darvozabonni o‘z tarkibiga qo‘shib olishi mumkin

"Barselona" "Lill" darvozaboni Lyuka Shevalega qiziqish bildirmoqda.

"Diario Sport" nashrining ma’lumotlariga ko‘ra, kataloniyaliklar yaqin oylarda muzokaralarga kirishish va taklif yuborish uchun 22 yoshli frantsuz bilan bog‘liq ba’zi muhim tafsilotlarni allaqachon o‘rgana boshlagan. Transfer yozda amalga oshirilishi mumkin.

Shevalega bo‘lgan qiziqishning kuchayishi "Barsa"da Mark-Andre ter Shtegen jarohatlangani va Inyaki Penyaning o‘yiniga shubha borligi bilan bog‘liq.

Ma’lumot uchun, 6 noyabr kuni 23 yoshni qarshi oladigan darvozabonning "Lill" bilan amaldagi shartnomasi 2027 yilning yarmiga qadar mo‘ljallangan.