"Barselona" yarim himoyachisini yaxshigina summa evaziga sotmoqchi

"Manchester Yunayted" Frenki de Yong uchun kurashga kirishdi. Hozirda niderlandiyalik yarim himoyachi uchun ko‘plab grand klublar qiziqmoqda. Bir necha kun avval "Kataloniya"liklar moliyaviy muammoni hal qilish uchun 4 ta futbolchini sotmoqchi ekanligini ma’lum qilgan edi. Bular safida Arauho, Frenki de Yong, Rafiniya va Ansu Fati joy olgan.
 
"Qizil iblislar" bosh murabbiyi Erik Ten Hag hali ham sobiq futbolchisini o‘z jamoasida ko‘rishni istaydi. Manchesterliklar yarim himoyachi uchun 70 million evro va bonuslar taklif qilgan. 

Ma’lumot o‘rnida, De Yong "ko‘k-anorranglilar" safida umumiy 213 ta o‘yinda ishtirok etib, 17 ta gol va 21 ta golli uzatmaga mualliflik qilgan.