"Барселона"га Осимхен таклиф қилинди, аммо асосий мақсад бошқа

"Галатасарой" ҳужумчиси Виктор Осимхен "Барселона"га таклиф қилинди. Бу ҳақда Diario Sport нашри хабар бермоқда.

Манбага кўра, воситачилар каталонияликларга 27 ёшли нигериялик форвардни сотиб олиш вариантини тақдим этган. Клубда Осимхеннинг ўйини юқори баҳоланаётган бўлса-да, у ҳозирча асосий трансфер мақсади ҳисобланмайди.

"Барселона"нинг ҳужум чизиғини кучайтириш бўйича устувор варианти ҳамон "Атлетико" форварди Хулиан Альварес бўлиб қолмоқда.

Қайд этилишича, трансферни амалга ошириш осон бўлмайди, аммо "Камп Ноу"да аргентиналик ҳужумчини жамоага олиб келиш имкониятига ишонишмоқда.

Осимхен ўтган Туркия чемпионати мавсумида 22 та учрашувда қатнашиб, 15 та гол урди ва 5 та голли узатма амалга оширди.