"Бавария" "Манчестер Сити"нинг ишончли ҳимоячисини Германияга олиб кетмоқчи

“Бавария”нинг собиқ футболчиси Лотар Маттеус Мюнхен клуби “Манчестер Сити” ҳимоячиси Йошко Гвардиолга қизиқиш билдираётганини маълум қилди.

"Эшитишимча, улар аллақачон дастлабки сўровларни амалга оширишни бошлаган", — деди Маттеус.

24 ёшли хорват ҳимоячиси 2023 йилдан буён “Манчестер Сити” сафида тўп тепмоқда. Ундан аввал эса Германия Бундеслигасида “РБ Лейпциг” шарафини ҳимоя қилган.

Маълумот ўрнида, футболчи жорий йилнинг аввалида оғир жароҳат узоқ муддатга сафдан чиққан эди. Сўнгги бир неча баҳсларда эса таркибга қайтди!