"Bavariya" oʻz futbolchisidan voz kechdi
«Bavariya» klubi himoyachisi Sasha Boe yaqin kunlarda jamoani tark etishi mumkin.
25 yoshli futbolchi Saudiya Arabistoni klublari bilan jiddiy qiziqish markazida. Ushbu mamlakatda transfer oynasi hali ham yopilmagani Boening ketishi ehtimolini yanada oshirmoqda.
«Bu masalada o‘z pozitsiyamizni boshidanoq aniq bildirganmiz. To‘rt oydan ko‘proq vaqt o‘tdi, ammo ba’zi chempionatlarda transfer oynasi hali ham ochiq. Ko‘ramiz», – deya javob bergan «Bavariya» sport bo‘limi rahbari Maks Eberl Sasha Boening sotilishi haqidagi savolga. Uning so‘zlarini Bayern & Germany nashri keltiradi.
Transfermarkt portali ma’lumotiga ko‘ra, fransuz futbolchisining bozor qiymati 10 million yevro atrofida baholanmoqda. Uning amaldagi shartnomasi 2028 yil yozigacha mo‘ljallangan.
Fikrlar