Бешта ўйинчи олган “Челси” яна икки супертрансферни кўзлади

“Челси” бош мураббийи Грэм Поттер жорий мавсумни жамоани ўзига мослаштиришга сарфламоқда. Англиялик мутахассис аввалги мураббий Томас Тухель тузган таркибни ўзгартиришда давом этяпти.

Қишки трансферлар мавсумида “аристократлар” беш нафар янги ўйинчи учун 140 миллион евродан ортиқ маблағни ишлатиб юборди. Бу билан трансферлар тугагани йўқ.

Грэм Поттер яна иккита ўйинчини ўз жамоасига чорлаяпти. Улардан биринчиси Мойсес Кайседо “Брайтон”дан олиб келиниши керак. Бу Поттер орзу қилган ярим ҳимоячиси ҳисобланади.

Шунингдек, бош мураббий кейинги пайтда кўп жароҳат олаётган Рис Жеймс шрнига “Лион” ҳимоячиси Мало Гюстони олиб келинишини кутмоқда.