Beyl Xitoy klubi bilan kelisha olmadi

Madridning "Real" klubi vingeri Garet Beyl joriy transferlar davrida Xitoy klubiga ko‘chib o‘tmaydi. Bu haqda Daily Mail nashri xabar tarqatmoqda.

Yuqoridagi manbaaga ko‘ra 30 yoshli uelslik futbolchi "Tszyansu Sunin" klubi bilan muzokaralar olib borgan, biroq yakunda ular bilan maosh masalasida kelisha olmagan.

Shu tariqa u yana “Real”da qolishi kutilmoqda. Uning madridliklar bilan amaldagi shartnomasi 2022 yilga qadar imzolangan. Ta’kidlash kerakki, Beylning ayni damdagi yillik maoshi 17 mln evroni tashkil etadi va u jamoadagi eng ko‘p maosh oladigan futbolchi hisoblanadi.