Бир имзо билан энг қиммат футболчига айланди

«Челси»нинг янги футболчиси Морган Рожерс клуб тарихидаги энг қиммат трансфер сифатида қайд этилди.

23 ёшли ярим ҳимоячи «Астон Вилла» таркибидан Лондон жамоасига ўтиб, 2033 йилгача мўлжалланган шартнома имзолади. Турли бонус ва қўшимчаларни ҳисобга олган ҳолда келишув қиймати 117 миллион фунт (тахминан 137 миллион евро)га етди.

Шу тариқа Рожерс трансфери «Челси» тарихидаги энг қиммат битимга айланди. Клубнинг энг катта сарфлар бешлигида энди Морган Роджерс етакчилик қилмоқда. Ундан кейинги ўринларда 121 миллион евро эвазига олинган Энцо Фернандес, 116 миллион евро турган Мойсес Кайседо, 113 миллион еврога қайтарилган Ромелу Лукаку ва 100 миллион евро эвазига сотиб олинган Кай Хавертц жойлашган.

Рожерс шу билан бирга тарихдаги энг қиммат инглиз футболчисига айланди. У июль ойи бошида «Манчестер Сити» 116 миллион фунт тўлаб қўлга киритган Эллиот Андерсон кўрсаткичини ҳам ортда қолдирди.